Grüß Gott, ihr alle hier im Haus,
ja dao schauts – aits kummt da Nikolaus!
Ich grüaß recht schoi die Geistlichkeit
und alle anderen ganz normalen Leit!
Gsagt hombs: zu „60 Plus“ – doa soll ich kumma,
hob überlegt an ganzen Summa,
wos ist denn des, wos kaant de saa
ob des fürn Niklas aa wos waar?
Schnell hob ich gmerkt, bei eich is schoi,
doa mua i hi, doa mua i goi!
Drei vo eich, dia san besonders tichtig,
und des zum sogn is mir ganz wichtig:
Ohne Margit, Heidrun und dem Joe taat nix lafn,
nix gaabs zum Essen, nix zum Safn.
Deshalb a groaß Vergelts Gott eich gebührt,
dafür, dass gemeinsam ihr die Gruppe führt.
Lang hoats dauert, bis sua weit wor,
es ging ins Land so manches Johr.
„Des is wos für die alten Leit“ –
so wor die Meinung – weit und breit.
Doch aits san Gott sei Dank die Junger gscheiter
und denken aa a bisserl weiter.
Des gfreit mi wirklich, des is toll,
ich hoff, as Pfarrheim is stets voll.